هاي
ننتقل الي موضوعنا بسرعه بدون مقدمات
:امتحان الفرنسي
انا كل يوم اروح الثنويه مع اختي و اخوي الصغار لان مدرستهم يم ثنويتي و اخوي الثاني يروح بروحه.. المهم في يوم من الايام بينما كنت اغط في سبات عميق و وراي امتحان فرنسي الساعه الاولى .. قعدت من النوم بروحي الساعه 6ونص او بالاصح الساعه 6:36 .. شسالفه!! العاده يقعدوني الساعه 6 هالمره محد مقعدني الباب مسكر و هدوء ما حسيت بولا شي .. طلعت من غرفتي بروح الحمام .. رحت و طلعت و بدلت توني بطلع من البيت جان تقولي خدامتنا اخوانج راحو!!!!!!!!!!!!!! يا لهول الموقف يا للصدمه .. عندي امتحان فرنسي و شكو راحو عني!!! جان تقولي اخوج الصغير قال انتي قايله امس انج ما تبين تداومين باجر لا تقعدوني الصبح .. صراحه استغربت و سكت 5 دقايق قاعده اتذكر انا شقايله بس استوعبت اني ما كلمته امس كنت قاعده ادرس و توهقت مادري شسوي جان اقعد امي من النوم شوي و ابجي اقولها عندي امتحان فرنسييييييييي قالتلي انا اوصلج الحين بس هم ما بردت جبدي .. جان ادق عالسايق و اقوله عطني اخوي الصغير كان يمه و بعدهم ما وصلوا المدرسه .. صراحه كنت واصله حدي قلتله انا قايله مابي اداوم؟؟؟؟؟ يقولي اي و يحلف اني قايله حسيت انه من صجه و صدقته لان حلمان اني قايلتله
مادري يعني خلصو الاحلام اللي حلم اني قايلتله مابي اداوم و بهاليوم بالذات اللي عندي امتحان فرنسي الساعه الاولى .. دشيت الامتحان متأخر و ما كنت مركزه عدل بس افكر بالسالفه بس الحمدلله على هالتفكير يبت 9 من 10 و الحمدلله قعدت بروحي بدون ما احد يقعدني
:قلــم كبيـــر
بنت خالي باولى ابتدائي مخها على قدها للحين ما تقدر تحفظ بسرعه و امها لما تدرسها و ما تستوعب تزفها و تصرخ عليها صرااااخ مو طبيعي .. مره انا كنت نايمه ببيتهم عند اختها (قدي) و كانت امها قاعده تزفها (اللي باولى ابتدائي) .. تدرون شلون !! بنت خالي الي باولى ابتدائي (فلانه1) و بنت خالي اللي كبري (فلانه2) المهم لما كنت قاعده مع فلانه2 كنا نسمع صرااااخ و حاقرين لان تعودنا بس كسرت خاطري فلانه1 لما قامت تبجي و تقول خلاص بنام بس بناااام .. قالتلها امها ما تنامين الا لما تحفظين هذا .. المهم خلصت حفظ جان تنام بالصاله .. مره وحده جان نسمع اخوها (باولى متوسط) يصرخ و يزفها شفيييييييييييج شفييييييييج و اهي تبجي و تقول اخاااااف يقولها من شنو و تبجي تقول وخروووه اخااااااف توني بروحلها بشوف شسالفتها جان تقولي فلانه2 ان عادي متعودين خليها بس هم رحت بشوفها لان كانت قاعده تبجي حيييييل رحتلها واهي للحين تقولي اخاف منه وخروووه قعدت اسكتها قلتلها شنو اهوا اللي تخافين منه جان تغطي ويهها و تبجي زياده رحت باخذها الغرفه و احنا نمشي جان تركض تنخش ورا الباب قلتلها شفيج شنو تشوفين جان تقولي قلم كبييييييييييييييير يبي ياكلني وخروووه عني اخاف .. انا مت من الضحك مسكينه تعقدت من الصراخ
بس هم كسرت خاطري حرام مسكينه بس نفس الوقت ضحكت عليها كان شكلها يضحك
و اخر مره حلمت اني كتبت بوست و محد حطلي كومنت قلت خل ابري ذمتي و اكتب بوست اخاف يصير شي (اهم شي بالسالفه ابري ذمتي)
الحين بقولكم سالفه مو من ضمن العنوان بس صارت امس و الحين ببالي بقولها قبل ما انساها
امس كنت رايحه شرق بشتري شغله و اطلع دقت علي رفيجتي قالتلي انتي وينج قلتلها بشرق جان تقولي صج؟ حتى انا قلتلها انتي وينج انا اييلج قالتلي انا بمونسون .. و اللي يعرف مونسون يدري ان غرف القياس مافيها باب بس ستاره .. المهم انا رحت ما لقيتها رحت صوب غرف القياس لقيت ستاره وحده مسكره جان ابطلها بقوه يعني بخرعها .. جان تطلع مو اهيا !!!!! لول ويهي انقلب كل الالوان كل ثانيه لون بس اشوه البنت كانت بعدها ما بدلت ملابسها جان اقولها حدي سوري والله مادري غلطانه ضيعت و اهي ميته علي من الضحك و انا اضحك ضحكة المجامله من الفشله .. دقيت على رفيجتي قلتلها انتي بأي جحيم جان تقولي نطرتج بمونسون ما ييتي جان اطلع انا توني طالعه منه جان اروحلها .. مادري كان ودي اقرصها بس فشله اكو نااااااس
لا تعليق
ثانكس على حسن قراءتكم
الى اللقاء
posted by 7saweya at 2:14:00 PM
LOOOL qalam ekbeer 7abbaitaa
o a7eb okhooch ele afta ennech gaylatla mayqa3dech LOL
nice blog