هاي
ادري ان محد راح يدش بلوقي الا اذا دشيت بلوقات و حطيت كومنت
بس بصراحه واجهتني مشاكل عدة منعتني ادش بلوقي العزيز
1. مشاكل اجتماعية
2. مشاكل دراسية
3. مشاكل عقلية (مخي وقف عقب امتحان الجغرافيا ما قمت استوعب شي)
4. مشكلة نسيان كلمة السر لول عصرت مخي يالله تذكرت
5. مشكلة ضيق الوقت
: حقائق و مفاهيم
ادري ان محد راح يدش بلوقي الا اذا دشيت بلوقات و حطيت كومنت
بس بصراحه واجهتني مشاكل عدة منعتني ادش بلوقي العزيز
1. مشاكل اجتماعية
2. مشاكل دراسية
3. مشاكل عقلية (مخي وقف عقب امتحان الجغرافيا ما قمت استوعب شي)
4. مشكلة نسيان كلمة السر لول عصرت مخي يالله تذكرت
5. مشكلة ضيق الوقت
: حقائق و مفاهيم
-امس خلصت امتحاناتي و اول ما خلصت رديت البيت تسبحت و بدلت و طلعت مع رفيجتي و ما رديت الا عالـ10 و نص
-امتحاناتي كلها كانت زينة الا الجغرافيا مادري ليش حاطين الامتحان جذي تخيلوا كل صفحة 3 اسئلة و كل سؤال يبونج تكتبين سالفة
-امتحان الفرنسي كانت مرشدتي و مدرسة رياضيات خوش وحدة يرقبونا عالامتحان يعني الصف صراحة صار دوانيةو مسخرة حتى مرشدتي تسألني في شي مو عارفته سألي الي وراج و ابلة الرياضيات واقفة عند الباب تشوف اذا في ابلة يت عشان تقولنا بس
-امتحان الجغرافيا ابلة جيلوجيا و ابلة حاسوب قاعدين يراقبونا .. و ماكو ألعن من ابلة الحاسوب والله اشك فيها انفصام شخصية حمدلله و الشكر قاعدة احل ما سويت ولا شي جان تقولي انتي يا بنت قعدي ورى
-اول ما عطونا اوراق امتحان الجغرافيا وحدة صفحت بالامتحان و كتبت اسمها جان تسكر الورقة و تسلمها حق الابلة تقولها بس ماقدر احل شالامتحان و ثانية جان تقول اي ابلة حتى انا و ثالثة جان تقول اي ابلة شالاسئلة من وين يايبينها .. تخيلو كلهم بيسلمون الاوراق ناصعة البياض جان احط ايدي على ويهي و ابجي تقولي الابلة وانتي شفيج بعد قلتلها ماقدر احل نسيت كل شي و بنت خالي وراي تضحك تقول حق الابلة من صجج بقعد اكتب كل هذا .. صراحه صج صج كان صعب بس قدرنا نتجاوز المحنة الابلة ما عطتنا وي زفتنا و قالتلنا يلا كل وحدة تجابل امتحانها بلا خرابيط انا مالي شغل
-الهام الفضالة جدام بيتنا حاطة على سيارتها "صالح الفضالة" بس بغيت اسأل شيصير لها لول ماكو شغل
-من بعد امتحان الجغرافيا قمت اخلط ماي و دهن و ما قمت استوعب لو تسألوني شسمج اموت من الضحك مادري ليش
-اخوي الصغير عبيط .. كنت شارية كرت ايزي و بمسحه عشان اعبي .. قلتله روح ييبلي 100 فلس بمسح الكرت .. طول الاخ ربع ساعة قاعدة اصرخ اناديه يقولي كا الحين ايي و لما رد شتتوقعون قالي ؟ يقولي ماكو 100 فلس في 50 فلس عادي ؟ قلتله انزين انا عادي اذبحك ؟
-يوم الخميس بطلع من الصبح و ما ارد الا بليل بعدين رفيجاتي بينامون عندي وين تتوقعون بنام ؟ بالسرداب .. اي بالسرداب حق الينانوة
-بس انا عندي النوم بالسرداب احسن من ناحية وحدة بس .. ماكو فراش يعني راح ننام عالارض لان اذا فيه فراش كل وحدة تيبس راسها و تتليعن عشان ماتنام عالارض لان ما يكفي و اخر شي نندعس كلنا بفراش واحد "احنا 4" نصير X O
و بعدين عاااااااااادي الوضع حده عادي فجأة و انتي نايمة وحدة تشوتج شوتة على بطنج و انتي تصرخين و كلهم يقعدون و يطيحونج و عادي عادي وحدة تضحك و اهي نايمة فجأة تعطيج كف ولا الاخت حلمانة و عادي عادي كل شي توقعوا
و بعدين عاااااااااادي الوضع حده عادي فجأة و انتي نايمة وحدة تشوتج شوتة على بطنج و انتي تصرخين و كلهم يقعدون و يطيحونج و عادي عادي وحدة تضحك و اهي نايمة فجأة تعطيج كف ولا الاخت حلمانة و عادي عادي كل شي توقعوا
-انا ما عندي كشكول عربي " لول رديت عالدراسة" و قبل امتحان العربي بيومين خذيت رقم وحدة معاي بالشعبة و قلتلها بصور كشكولج طبعاً الشعبة كلها بتصور لان محد عنده كشكول غيرها المهم قالتلي انا حاطته بالطالب الي بالقادسية كان يومها الخميس المهم رحت ولا مسكر دقيت على رفيجتي قلتلها هذي قالتلي حاطته بالطالب و انا الحين عند الطالب بس مسكر جان تقولي شكو مسكر انا توني رايحة قلتلها اجذب عليج انا الحين وقته؟ قالتلي والله العظيم انا توني رايحة و مصورته قلتلها والله العظيم انا الحين عند الطالب و مسكر و اعصب و حالتي حالة و ادق عالبنت الي حاطه كشكولها و اقولها مسكر و نفس السالفة الي مع رفيجتي .. جان ارد البيت قلت اروح باجر من الصبح و فيه خير يسكر والله اقعد الساعة 7 و انطر عند الطالب انطره يفتح جان يطلعلي هندي قالي ما راح يفتح اليوم قلتله تفتحه الحين انا بصور يعني شلون البنت تقولي حاطه كشكولها "عاد انا هم امس زافته قلتله الا في كشكول و اهو يقولي مافي مسكر محد يحط كشكوله" المهم و هم ازفه اخر شي جان يقولي يمكن بالطالب جان استوعب ولا انا وين رايحة تتوقعون ؟ المكتبة العامة اللي بالقادسية .. اي المكتبة العامة من زود الذكاء .. و عشان ما ينقص ويهي قلتله انا بروح هناك و اذا ما لقيته تفتحلي اياها الحين جان انحاش و اضحك على روحي و صراحه مالي وي اروح المكتبة العامة بعد ممكن تقترحون علي مكتبة عامة ثانية اروحها غير القادسية ؟ لان صج صج انقص ويهي
-يوم السبت هذا الشهادات و يقولون نفس السبت يبدي الصيفي .. صراحة انا مادري متى يبدي الصيفي و مادري بأي ثنوية :(
-احب رفيجاتي الـ 3
-يوم الخميس مادري اي خميس بس اذكر كان الخميس رحت الجمعية بعد ما طلعت من بيت رفيجتي مع بنت خالتي .. رحنا نشتري حلاو و ككاو و ريد بول و كاديه عشان بتنام عندي و بنقعد نسولف و ناكل .. المهم قاعدين نبلع هوى و ما خلينا شي الا و حطينا بالسلة بعدين رحنا نحاسب .. كان زحمة مع ان كانت الساعة 11 بليل .. المهم و احنا ننطر الدور بنت خالتي قالتلي دفعي انتي بعدين نتحاسب انا ماعندي الا ربع دينار .. و المفاجأة الكبرى لما صار دورنا و طلع الحساب 5.850 بطلت جنطتي و طلعت البوك و لا البوك يصفر .. جان اقولها جزني امشي نسيت اشتري بيبسي .. اهي فهمت و ميتة من الضحك و ناخذ الاغراض و نحطهم كلهم يم الدري و نهدهم و ننحاش .. عاد ركبنا السيارة والله احس قامت تطلع افرازات غريبة بحلجي حدي يوعانة و كنت مشتهية ككاو و اهي تقولي كله منج معتمدة عليج قلتلها والله عاد انتي الي عشمتيني و قلتيلي خل نروح نشتري انا ما قلتلج بشتريلج
-بس حدي طولت اخلي السوالف الباجي حق البوست الياي
والله والله والله والله اشتقتلكم و اشتقت حق بلوقي و اكثر وحدة اشتقتلها
chatterbox
و سوري عالالوان حطيتهم عالسريع لول
سي يو
posted by 7saweya at 3:19:00 PM
طق طق طق :)
ممكن اكون متابع للبلوق ؟
----
والله خوش بلوق .. موتني ضحك :)
خاصة سالفة تصوير الدفتر
الله يهداج خدمة الطالب وين والمكتبة العامه وين ..
هذيج بروحه والثانيه داخل المبنى شزينها
اذا تبين تروحين مكتبه ثانيه .. اعتقد في وحده بالدعيه :)
بس صج غريبه .. ليلحين في احد يروح مكتبات عامه ^_^