هاي
اليوم انشالله بوستي يونس البنات اكثر من الشباب لان كله حش لول
-اول امس كنت مستعيلة بطلع و انا طالعة ولا يرن تلفون البيت و شلته ولا وحده داقه انا عبالي بنت خالتي جان اقولها هاااااااا و كان اخوي الصغير يمي و قاعد يصارخ جان تقولي يمج بنتج؟ هني استوعبت ان مو بنت خالتي قلتلها لأ جان تقولي عيل ولدج هاهاها و تضحك قلتلها لا بنتي ولا ولدي هذا اخوي قالتلي اي لان مبين من صوتج مو ام حبيبتي جم عمرج قلتلها 17 عاد قعدت تتمصلح جان تقولي امج و ابوج حق منو بيصوتون قلتلها حق محد .. انا قلت جذي عبالي راح افتك منها لان بطلع جان اوهق عمري .. قالتلي لا شلون جذي احنا عندنا المرشحة فلانة توزع جناط LV
لول شكلكم عرفتوها.. و تعين و تعاون قلتلها انشالله اقولهم بعدين حبيبي انا مستعيلة الحين تبين شي بعد؟ قالتلي لا بس اكيد يعني تصوتولها؟ قلتلها اكيد .. جان تقولي يعني احسب صوت امج و ابوج قلتلها حسبي .. جان تقولي متأكدة و لا ها؟ قلتلها ها و سديته بويهها صراحه لوعت جبدي
-المرشحة اللي مصورة مع بنتها مادري مع بنت لاقيتها بالشارع ماخذتها و مصورة معاها .. احنا اول ما شفناها عبالنا دعاية شامبو ولا صالون لول لا و تقول بالجريدة المرشحات يغارون مني لاني اصغرهم .. كفوج
-المرشحة اللي مخرعة العالم و مسببة الرعب حق منطقتين بس منها فايدة خففت الزحمة شوي الناس خايفين يطلعون من بيوتهم لول .. مرة انا و رفيجتي طالعين من الثنوية و مارين عالدوار كان حده زحمة و الشارع واقف و كنت لافة ويهي يمين قاعدة اكلمها .. فجأة قامت تضحك بدون سابق انذار و بدون سالفة مضحكة جان تقولي لفي ويهج شوي بسرعة شوفي .. لفيت ولا اشوف انسان اول .. لا انسانة اولى .. وحدة تخررررررررررررع و اللافتة صايرة يمي بالضبط و انا مجابلتها جان اتنح من الخرعة .. هم اكيد عرفتوها لول ماكو غيرها بس والله عاد خوش وحدة .. كاتبة روائية و اسلوبها حلو انشالله تفوز صراحة عجبتني شخصيتها والله مادري ليش
- ولد خالتي يشجع كرواتيا .. ما تأهلوا جان تلمع عينه لووووول فهمتوا؟ عاد انا وين و الكرة وين عبالكم فاهمة شنو يعني تأهلوا و ما تأهلوا بس اللي اعرفه يعني مستحيل يفوزون بالكاس .. المشكلة فشلة عمره 19 و اول مرة بحياتي اشوف عينه تلمع
- ها للحين ما عرفتوا صالح الفضالة شيصير حق الهالم الفضالة ترا فيني فضول مو طبيعي
- شرمبي مو طبيعييييييييييييي ذيك المرة كنت حدي حدي حدي ابي ربيان قاعدة احن على امي ابي ربيان و عيوني لمعت شوي لول قالتلي طلبي من شرمبي طلبت .. كانت الساعة 9 و ربع بليل .. انا كليت كيك و رحت شريت حلاو و كاكاو و انغثيت و رديت البيت و لاعت جبدي من الربيان بهالفترة .. صارت الساعة 12 الظاهر توهم يستوعبون ان في حمارة بالجابرية كانت مشتهية ربيان وطلبته و عشموها .. زفيته زف قلتله كيفك رده انا ما راح اخذ الطلب ولا راح ادفع جان تلمع عيني بعد مرة لول
- ترا حده مسخرة الي قاعد يصير بالتلفزيون مو معقولة يعني جد جد والله كل ربع ساعة يطلع مغني و مغنية عاد المغنيات الله يزيدهم ماخذين خمطة و قاطينهم و قايليلهم هزوا و ضحكوا راح تنشهرون
- ام بي سي 3 و سبيس تون لو يقطعونهم يكون احسن.. ذيك المرة بنت خالي بأولى ابتدائي يايتلي تقولي انظري انظري .. لول شسالفة قامت تقط كلمات عربية فصحى عبالها كويتي .. و اخواني ادمااااااااااااااااااااااااان توم اند جيري يشوفون الحلقة مليون مرةو حافظينها و يتناقشون بالحلقة مثلاً اختي تقول حق اخوي الحين يطقه يقولها لا منو قال تقوله امبله يطقه و يتهاوشون على هالسالفة ولا الحلقة مخلصة ولا شافوا يطقه ولا ما يطقه لول .. ولد خالي بأولى متوسط ياله مزاج يبي يبوس اخوه الصغير..المهم عطاه بوسة و قاله احبك جان تتليقف اخته (هذي نفسها الي تقول انظري) تقوله منذ متى؟؟؟ منذ ذاك الحين الذي يشوتج شوتة يخليج ما تعرفين تقعدين
بس مليت و انا اكتب اخلي السوالف الباجي حق البوست الياي
سي يو
باي
posted by 7saweya at 11:57:00 AM
لوووول
ماشاء الله لا اله الا الله سالفه تدش بسالفه انا ضيعت ..
بخصوص المرشحه اللي تخرع ..
اكيد كنتي طالعه من ثانوية (...) بنات وداشة القادسيه بالدوار اللي بالويه ولا تطلع معشوقة الجماهير طيبة الابراهيم .. عاد لونوا على بوسترها وردت حطت صوره :)
هذي اسميها معجزة الانتخابات .. لوحه مادري ثنتين وانشهرت كل هالشهره :)
باجر لي صعدت المجلس ما يحتاج استجواب .. خزتها تخرع الوزير وتخليه يخر كل شي عنده :)
مشكوره على الحش الممتع والخفيف ..
واريد أن انظر للمزيد :) على قولة بنت خالتج