هاي
اليوم موضوعنا شوي فيه احراج و شوي ضحك و شوي مسخرة و شوي فضايح لول
الا و هو
.
.
.
.
.
.
.
.
البدليــــــــــــاااااااااااااااااااااات
:D
طبعاً ما يحتاج اعرفلكم شنو البدلية .. بس يمكن بعضكم ما يعرف
البدلية هي خطأ الانسان في نطق الكلمة او كتابتها مما يؤدي الى ضحك الجماعة التي حوله و غالباً ما تؤدي الى الهستيريا و احياناً الى الغشيان و في اوقات اخرى تؤدي الى الانتحار من شدة الاحراج و قد تكتشف غباء ناس لم تتوقع ان يتوصلوا الى هذه الدرجة من الغباء عند ترقيعهم لهذه البدلية مثل .. انا اصلاً متعمد .. انت مو كويتي ما تعرف شي .. هذي لغة ثانية .. شنو يعني! خو بس عكست حرفين .. ما يضحك .. اذونك وسخة مادري شلون تسمع .. بس ترا مالي خلق قاعد اكلمك جد .. جذاب مو انا .. انت مو كفو احد يسولف معاك ، و من البدلية نستخرج فوائد منها: تصييد البدليات و هي شغلة بعد العصر تنفع للناس البطالية-تعديل المزاج و النفسية الصفرية-تهيئة جو من الفرح و المرح و ليس الراحة و السكينة
طبعا انا بقولكم جم موقف صار معاي و اخلي الباجي حقكم
كنت بمشرف عند رفيجتي و انا رادة البيت امي دقت علي قالتلي روحي الجمعية اشتري شامبو .. رحت جمعية مشرف و كنت اول مرة اطبها .. ضيعت و ما لقيت الهنادوة اللي يحوسون يعدلون الاغراض و يسعرون و هالخرابيط المهم رحت عند الكاشير و قاعدة انطر بالدور جنه صج عشان بس اسأله المهم سألته وين صوب الصامبو و الشابون (يعني الشامبو و الصابون) طبعاً اللي وراي اهي عيوز اهو ريال اهو يهال .. كل العالم وراي و كلهم سمعوا .. انا من كثر الفشلة مادري اضحك مادري ابجي مادري اقعد ارقع .. حسيت مخي قفل ماكو ترقيعات .. لول و بعدين اقعد ارقع ليش خلاص قطيت بدلية و فات الفوت
مرة كانوا رفيجاتي كلهم يايين عندي و انا قاعدة اطفر وحدة منهم .. قاعدة تسولف و انا اسألها اسألة غبية ابيها تطفر و تتنرفز المهم ماذكر شنو السالفة اللي كانت تقولها بس قالت صمونة و سندويشة .. جان اقول لا تجذبين مو سندمونة
هاااااااااااااااا شنووووووووووووو .. انا كنت بنرفزها و انا اللي تنرفزت و ضحكوا علي ضحك مو طبيعي و في ناس يقولون نكهم احلى حب مسيفين رقمي عندهم بالموبايل (سندمونة) لول ماشي اعلمج
كنت بالنظائر اللي بسوق شرق .. داشة اشتري شريط راشد الماجد (مشكلني) اول ما نزل .. المهم كانوا معاي بنت خالتي و بنت خالي .. قلتله ابي شريط ماشد الراجد .. قالي اوكي
ما لاحظتوا صح ؟؟؟ :D
ماشد الراجد = راشد الماجد
انا وقتها ما حسيت بالبدلية و ما كنت مستوعبة و اللي يمي اشوفهم ميتين من الضحك لول شسالفة قولولي ابي اعرف .. ماكو مو قادرين يتكلمون من الضحك .. و بعد ما طلعنا من المحل تكنوا و قالولي البدلية قلتلهم انتو عندكم مشكلة بالسمع .. يقولولي شدعوه احنا الثنتين شالصدفة بس المهم ما تعترفين بالبدلية
و من اول ما نزل شريط مشكلني و لي يومكم هذا و اهم يطنزون علي .. و شي طبيعي اني اكره شريط مشكلني و شريته بدون ما اسمعه الا مرتين مادري 3 مرات بس :D
دوركم خل اضحك عليكم شوي .. اللي صار معاه موقف أخس من الي صارلي يقول و ماعتقد في اخس من هالمواقف :D
:ملاحظة*
عندي امتحان اسلامية باجر ادعولي ترا حده صعب و توني ماخذه بريك قلت اكتبلكم بوست
posted by 7saweya at 2:09:00 PM
لوووووووووول .. ضحكتينى .. اهم شي ماشد :) عسى الله يوفقج بامتحانج